搬家

我係北京無乜食叉燒呀，見到啲樣就覺得唔對路，噢撈。

早一兩個月Jannis就同我講話，不如我完左呢邊嘅program就搬去德國同佢住。我既心情十分之複雜：一開始好thrilled，跟住就開始考慮好多嘢：我去到讀master定做嘢？如果德國分司唔請我點算？如果無university收我又點算？我啲德文咁水皮去到會唔會死？我呀媽會唔會感慨女大不中留？N個factors，好糾結。不過拋開呢啲現實問題，你問我想唔想去？好想。就算我唔係同佢一齊，我本身就算想歐洲做嘢架啦，咁有個人陪都幾好丫。

同埋佢講左段嘢都幾感人：「你會唔會覺得我好自私要你搬過你而唔係我搬過去？其實我去邊都無所謂，不過德國讀master免tuition，所以我先希望喺度讀咋。如果你可以過黎，我promise我去第一個long haul flight會係去香港架！完左master，我地再揀去第二度住，好唔好？」
雖然我本身都無覺得佢「好自私」，但係佢真係幾considerate，令我第一次覺得有個男仔都幾識step into my shoes去考慮我嘅concerns。

所以我諗，我會努力解決所有嘅問題，比心機啲做野impress my boss，下年報多啲果邊既uni，同埋同屋企人透露下我嘅感情生活……哈哈。因為有陣時覺得有些人係值得嘅。如果我都可以好似你咁幸福就好啦嘻嘻。

當然，就算fail左，我都唔會後悔努力過嘅。我覺得我都幾廿歲人啦，都明白感情事唔係depends on對象only，而係自己嘅efforts，或者係兩個人共同嘅efforts。我諗你都明我講乜架啦準新娘！